Денеска во 15 часот македонското знаме ќе се развее во НАТО

Во седиштето на НАТО во Брисел денеска ќе се одржи свечената церемонија на кревање на македонското знаме покрај знамињата на останатите земји членки.

На овој настан најавени се присуствата на генералниот секретар на НАТО, Јенс Столтенберг, првиот човек на Воениот комитет на Алијансата, Маршал Стјуарт Пич и Зоран Тодоров како претставник на Делегацијата на Северна Македонија во НАТО.

Поради коронавирусот, не е предвидено присуство на медиуми, но настанот Алијансата ќе го пренесува во живо преку сателит и веб-страницата на НАТО.

Паралелно, церемонија на кревање на нашето државно знаме ќе се одржи и во седиштето на НАТО-командата во Норфолк, како и во главната команда во Монс.

Северна Македонија од петокот (27 март) и официјално е членка на Алијансата откако тогаш САД го примија инструментот за пристапување на Република Северна Македонија во Северноатлантскиот договор.

*Поврзани вести:

Столтенберг: Добредојдовте во НАТО, целиот труд се исплатеше

Брнс: Честитки за монументалното достигнување, ние ќе продолжиме да ја поддржуваме Северна Македонија

Стејт департмент: Членството на Северна Македонија во НАТО е пример за идните аспиранти

Димитров: Со членството во НАТО, никогаш веќе нема да бидеме сами (ВИДЕО)

Шекеринска: Денешниот датум ќе биде впишан во учебниците по историја

(ФОТО) Наместо ракување, Димитров и Брнс си го честитаа членството на Македонија во НАТО со допирање на лактите