Денеска САД го примија инструментот за пристапување на Република Северна Македонија во Северноатлантскиот договор, со што земјата стана 30-та членка на НАТО. На 30 март знамето на Северна Македонија првпат ќе се развее пред седиштето на НАТО во Брисел, соопшти попладнево Стејт департментот.
„Пристапувањето на Северна Македонија во НАТО денеска претставува кулминација на долгогодишните напори на владата и народот на Северна Македонија. Членството на Северна Македонија во НАТО ќе обезбеди поголема интеграција, демократски реформи, трговија, безбедност и стабилност во целиот регион. Членството на Северна Македонија, исто така, дава пример за другите аспиранти дека вратата на НАТО останува отворена за оние земји кои се подготвени и способни да ги спроведат реформите потребни за исполнување на високите стандарди на НАТО и да ги прифатат одговорностите и придобивките од членството“,
се вели во соопштението од Стејт Департментот во кое се додава дека САД ја реафирмираат заложбата за колективна одбрана според член 5, како камен-темелник на Трансатлантската алијанса.
Поврзани вести
Димитров: Со членството во НАТО, никогаш веќе нема да бидеме сами (ВИДЕО)