„Добро е што во државата ќе има најмногу две коалиции кои се залагаат за брза интеграција на Северна Македонија во Европската Унија и кои ќе извојуваат победа со што државата непречено ќе го продолжи својот пат во европските интеграциите, кои се клучното стратешко прашање за нас и од кое заврши унапредувањето на многу процеси во државата“, вели претседателот на СДСМ
Дали со некого ќе одите заедно на избори или ќе имате постизборна коалиција или нема да имате тоа е одлука на политичките органи во партијата. Ова денеска го изјави претседателот на СДСМ Димитар Ковачевски одговарајќи на прашањето зошто СДСМ нема да коалицираат со ДУИ и со други партии во Европскиот фронт, како што било најавувано, посочувајќи дека утре дел од политичките партии во државата ќе потпишат коалициски договор, што имаат една заедничка работа, а тоа е брза интеграција на Северна Македонија во Европската Унија.
„Од друга страна, партијата што ги направи успесите во делот на европската интеграција и зачленувањето во НАТО, а тоа е СДСМ, која исто така има коалиција која се залага за европски и евроатлантски интеграции. Ние таа коалиција веќе ја имаме официјализирано“
рече тој.
Претседателскиот кандидат Стево Пендаровски, според Ковачевски, веќе добил поддршка од најголем дел од тие политички партии.
„Добро е што во државата ќе има најмногу две коалиции кои се залагаат за брза интеграција на Северна Македонија во Европската Унија и кои ќе извојуваат победа, со што државата непречено ќе го продолжи својот пат во европските интеграции, кои се клучното стратешко прашање за нас и од кое заврши унапредувањето на многу процеси во државата“,
вели тој.
Дали со некого ќе одите заедно на избори или ќе имате постизборна коалиција или нема да имате, претседателот на СДСМ рече дека тоа е одлука на политичките органи во партијата.
„Досега во изминатите 32 години се покажа дека СДСМ и традиционалните партнери на СДСМ се тие, кои кога ја предводат Владата, Северна Македонија прави исчекори во интегрирањето и во НАТО и во ЕУ, во унапредувањето на демократијата, во унапредувањето на слободата на медиумите и секако во унапредувањето на владеењето на правото“,
рече Ковачевски.
Ковачевски и пред десетина дена рече дека се отворени за секој кој се стреми кон европската иднина на земјата.
„Ние и сега сме во коалиција со партиите кои се за продолжување на европските интеграции на државата и подобрување на животниот стандард на граѓаните. Тој европски фронт функционира во македонското Собрание. Ако забележувате секогаш зборувам за суштината, а не за формата. Изборниот настап е одлука на органите на партиите, дали ќе се оди на заеднички листи, дали на листи коишто претставуваат традиционални коалиции, на коалициски партнери, сè тоа ќе биде одлука на партиите. Но, на крајот политичката понуда се сведува на два блока од кои едниот ќе биде проевропски, другиот антиевропски. Едниот за напред, другиот за враќање во ходниците на црното минато“,
порачува Ковачевски.
Договор за заеднички настап на изборите денеска потпишаа Али Ахмети, претседателот на ДУИ и Скендер Реџепи, претседател на Народното движење.