Ова прашање, како што пренесува БНТ, го покренал министерот за надворешни работи на Бугарија, Николај Милков, на денешниот состанок на шефовите на дипломатиите на земјите членки на ЕУ, на кој беше одобрена нова транша од 500 милиони евра помош за Украина
Милков, ова прашање, кое не било на дневен ред на состанокот, го покренал на крајот на средбата со своите колеги и очекува реакција од ЕУ во иднина. Не е исклучено, пишува БНТ, Бугарија во иднина да го искористи правото на вето во однос на С Македонија. Сепак, коментарот на Милков бил дека засега тоа не треба да се случи
Бугарија побарала од останатите земји членки на Европската Унија (ЕУ) да изразат солидарност со Софија во врска со тензиите со Северна Македонија и, како што се наведува, притисокот врз бугарската заедница во земјава.
Ова, како што пренесува БНТ, го истакнал министерот за надворешни работи на Бугарија, Николај Милков, кој денеска учествуваше на состанокот на министрите за надворешни работи на ЕУ во Брисел, на кој беше одобрена нова транша од 500 милиони евра помош за Украина.
Засега, како што наведува бугарскиот медиум, сè уште е рано да се каже дали другите членки на Унијата одговориле на повикот за солидарност, бидејќи оваа точка не била на дневниот ред на состаниокот на шефовите на дипломатиите.
Милков, ова прашање го покренал на крајот на средбата со своите колеги и очекува реакција од ЕУ во иднина.
Не е исклучено, пишува БНТ, Бугарија во иднина да го искористи правото на вето во однос на С Македонија.
Сепак, коментарот на Милков бил дека засега тоа не треба да се случи.
Во изјава за медиумите, министерот за надворешни работи рекол дека ги информирал своите колеги за претепувањето на секретарот на бугарскиот клуб „Цар Борис Трети“, Христијан Пендиков.
Во подолг контекст, тој ги споменал и донесувањето на измените на Законот за здруженија и фондации, како и подметнатиот пожар од страна на поп-пејачот Ламбе Алабаковски во културниот центар „Иван Михајлов“ во Битола, за што доби условна казна.
„Ги информирав колегите министри за тоа што се случи во Охрид, но во подолг контекст. Не се работи само за овој инцидент, се работи за тоа дека има ескалација на тензиите и ескалација на притисокот врз бугарската заедница таму. Започна со усвојување на законодавна репресија врз бугарската заедница и нејзиното право на здружување, што покажа, како што им кажав на моите колеги, извонреден консензус меѓу владејачката партија и опозицијата на антибугарска основа. Ова е многу сериозен знак, бидејќи тамошната опозиција и владејачката партија не се разбираат меѓу себе за голем број прашања. Потоа, дојде до палењето на бугарскиот клуб во Битола, за што беше изречена условна казна, потоа следуваа три напади на клубови, а виновниците никогаш не беа пронајдени“,
изјавил Милков.