Блинкен на разговор со европски претставници во Берлин за руско-украинските тензии

Утре во Женева Блинкен ќе разговара со рускиот министер за надворешни работи Сергеј Лавров, а руски надворешно-политички аналитичари оценуваат оти утрешните разговори меѓу  Блинкен и Лавров се „веројатно последната шанса“ за постигнување договор

Американскиот државен секретар Ентони Блинкен денеска пристигна во Берлин за да разговара со шефовите на дипломатиите на Германија, Франција и Велика Британија, со цел одвраќање на евентуалната руска агресија врз Украина.

Блинкен вчера беше во посета на Киев, каде изрази надеж дека САД нема да мора да воведат санкции кон Русија, но повтори дека Вашингтон е „подготвен за решителна акција во случај на руска инвазија на Украина“.

Блинкен: Продолжуваме со дипломатски напори со Русија, но и со зајакнување на воената помош кон Украина

Утре во Женева, Блинкен ќе разговара со рускиот министер за надворешни работи Сергеј Лавров, а руски надворешно-политички аналитичари оценуваат оти утрешните разговори меѓу  Блинкен и Лавров се „веројатно последната шанса“ за постигнување договор. 

Според весникот „Волстрит џурнал“, директорот на ЦИА, Вилијамс Барнс остварил средба со германскиот канцелар Олаф Шолц и претставници на германското разузнавање неколку дена пред доаѓањето на американскиот државен секретар Блинкен во Европа. Барнс ги известил за можните сценарија за развојот на ситуацијата на руско-украинската граница и рекол оти Берлин треба да го запре гасоводот „Северен тек 2“ во случај на руска инвазија врз Украина.

Германија во вторникот сигнализираше дека би можела да го запре гасоводот „Северен тек 2“ доколку Москва ја нападне Украина.

Гасоводот „Северен тек 2“ клучна алатка на земјите од Европа за политички притисок врз Русија?

Претходно, американско-руските преговори минатата недела не донесоа резултати.

За Русија досегашните преговори со САД и НАТО и натаму се неуспешни

Амбасадорката на САД во НАТО: Немаме намера поради Русија да ги враќаме гаранциите од пред две децении