Антикорупциска се дообјаснува со Џафери за апанажите во минатите два мандати на парламентот

Спикерот неодамна информира дека 44 пратеници од претходниот состав побарале апанажа, а потоа одби да каже колку од поранешните министри и заменици побарале апанажа, посочувајќи дека за тоа треба да се праша претседателот на собраниската Комисија за избори и именувања Костадинов, кој не одговара на телефонските повици

Анализата за потрошените буџетски средства за апанажи за поранешни функционери е направаена врз основа на податоци добиени од Собранието, информираа денеска од ДКСК, откако спикерот Талат Џафери им забележа на функционерите дека изнесуваат, како што рече, ноторни невистини.

Џафери за Телма: Ноторна невистиниа е дека пратениците земаат по 100 илјади денари за апанажа

„Со цел да се надминат недоразбирањата настанати по презентирањето на анализата за потрошените буџетски средства за апанажа, сакаме да веизвестиме дека споменатата анализа е направена врз основа на податоци заисплатени средства за апанажа добиени од Собранието. Исто така,
сакаме да појасниме дека барањето на ДКСК за наведените податоци е, всушност, циркуларно писмо кое, освен до Собранието, е испратено и до повеќе од 100 институции. Очигледно дека само податоците од Собрание се доставени во бруто износ, но за тоа немаше никакво објаснување во дописот“,

се вели во одговорот на Антикорупциската комисија.

Спикерот на Џафери, на првиот брифинг со новинари по реизборот на функцијата, информира дека до тој момент 44 пратеници од претходниот состав побарале апанажа. На следниот брифинг, пак, оваа седмица, Џафери одби да каже колку од поранешните министри и заменици, кои не влегоа во новата влада, побарале апанажа. Посочи дека за тоа треба да се праша претседателот на собраниската Комисија за избори и именувања Костадин Костадинов, кого неколку пати го побаралвме за информација на оваа тема, ама тој не одговара на телефонските повици.

Tретина од бившите пратеници чекаат апанажа, додека дел од бившите министри чекаат други функции

Според податоците што вчера ги објави Антикорупциската комисијата, во периодот од 2014 до 2018 година, 107 државни функционери го искористиле правото на апанажа. Од нив, 29 биле службеници во Владата, а 78 во Собранието. Од 107 лица кои се предмет на анализата, 89 лица по престанокот на користењето на апанажата повторно се вработиле – 46 во државни институиции, а 43 во приватниот сектор. По апанажата не се вработиле 18 лица.

Износот на апанажата за лицата кои биле на функции во Влада изнесува околу 71.000 денари, а на оние кои им завршил пратеничкиот мандат, околу 100.000 денари. Антикорупциската комисија објави дека ќе бара законски измени околу правото на апанажа по престанокот на функцијата.