Добивме ветување дека нашите барања ќе се најдат на владина седница, во спротивно ќе излеземе пак на улица, порачаа дел од родителите кои денеска излегоа на протест, па беа на средба со Венко Филипче и Јагода Шахпанска.
„Не кажаа конкретно дали ќе ја променат одлуката. Стојат на ставот дека мајките треба да се вратат на работа. Но, ни рекоа дека барањата ќе ги пренесат на седница на Влада. Филипче ни кажа дека вака ќе биде цела година, конкретно немаше ништо, рекоа ќе ги разгледаат барањата”,
изјави Ирена Стојковска, една од демонстрантите кои денеска протестираа, а потоа беа на разговор во Владата.
Протестот е резултат на укинувањето на мерката за продолжено породилно отсуство кое престанува да важи од 23 септември и сите родители кои ја користеле оваа мерка треба да се вратат на своите работни места.
*Поврзани вести: