Според графичкиот приказ од министерството, може да се види дека во текот на вчерашниот ден се регистрирани вкупно 564 новопрегледани пациенти кои за првпат побарале лекарска помош, што е забележителен пад во споредба со претходниот ден, кога биле евидентирани 649 лица – бројка која претставуваше пик на дневните прегледи
Забележано е почетно намалување на бројот нановопрегледани пациенти со стомачни тегоби, информираат од Министерството за здравство.
Од Здравство велат дека состојбата на терен активно се следи.
Според графичкиот приказ од министерството, може да се види дека во текот на вчерашниот ден се регистрирани вкупно 564 новопрегледани пациенти кои за првпат побарале лекарска помош, што е забележителен пад во споредба со претходниот ден, кога биле евидентирани 649 лица – бројка која претставуваше пик на дневните прегледи.
Приказот на министерството го покажува движењето на бројот на новопримени пациенти од 14 јули до вчера. На 14 јули помош побарале 324 пациенти, наредниот ден таа бројка се зголемила на 456. На 16 јули има намалување на бројот на новопримени пациенти и таа изнесувала 381, а ден подоцна бројот се зголемил на 572. Пикот бил во саботата кога имало 649 пациенти. Најголемиот дел од нив – 334 биле во Општата болница во Гостивар, а 315 во Здравствениот дом.
Податоците од Министерството за здравство покажуваат дека во овие шест дена во Општата болница имало 1 554 пациенти, во Здравствениот дом биле 1 392.
„Четирите лица, кои беа хоспитализирани веќе се пуштени на домашно лекување. Досега се доставени 140 формални пријави, кои се обработуваат од епидемиолошките тимови на ЦЈЗ Тетово и Институтот за јавно здравје, и се спроведени 81 епидемиолошка анкета“,
информираат од Здравство.
Од министерството велат дека клиничката слика кај најголемиот број пациенти е лесна со симптоми на дијареја, повраќање и дехидратација, додека треска и покачена температура се јавуваат поретко. Оттаму додаваат оти се спроведуваат сите потребни епидемиолошки, лабораториски и превентивни активности.
Министерството за здравство апелира граѓаните да ги следат официјалните препораки, да одржуваат редовна хигиена на рацете, а лицата со повраќање, дијареја, покачена температура или знаци на дехидратација, навремено да побараат медицинска помош.
Денеска, министерот за здравство Сашо Клековски рече дека имало речиси 3 100 здравствени контакти од Здравствениот дом Гостивар и Општата болница, вклучително телефонски јавувања и интервенции на Брзата помош.
Поврзани вести:
- Пановски: Лекарите во Гостивар мора да ги добијат резултатите од анализите за да знаат со што се соочуваат и од што да ги лекуваат пациентите
- Андоновска: Очекувањата се оти резултатите и доказите ќе нè одведат до одговорноста за состојбата во Гостиварско
- (ВИДЕО) Директорката на ЈП „Комуналец“ и уште две лица приведени во акција на МВР за загадувањето на водата во Гостивар
- Директорката на гостиварски „Комуналец“ е суспендирана од работа – објави градоначалникот Лимани
- Мицкоски: Локалната власт во Гостивар треба да поднесе морална одговорност
- Клековски: Трендот на новопријавени случаи со стомачни тегоби во Гостивар не опаѓа, прогласена е епидемија