МВР: Приведени се двајца скопјани за предизвикување на пожарот кај Рампа

Приведените лица се на возраст од 34 и 39 години и се товарат за кривично дело предизвикување општа опасност

Во пожарот, како што информираат од полицијата, е повреден еден пожарникар, додека две противпожарни возила претрпеле материјална штета

Приведени се двајца скопјани поради сомнение дека предизвикале пожар во напуштен објект на булеварот „Македонија“, односно кај местото Рампа во скопска Кисела Вода, информираат од Министерството за внатрешни работи (МВР).

Осомничените се товарат за кривично дело предизвикување општа опасност.

„Вчера во 17:30 часот во Скопје, на подрачјето на Центар, полициски службеници од СВР Скопје ги лишија од слобода С. А. (34) и И. Х. (39), двајцата од Скопје, затоа што околу 16 часот предизвикале пожар во напуштен објект на булеварот ‘Македонија‘ во Скопје“,

се вели во полициското соопштение.

Пожарот кај Рампа е локализиран, еден пожарникар е повреден

Во пожарот, како што информираат од полицијата, е повреден еден пожарникар, додека две противпожарни возила претрпеле материјална штета.

Според МВР, се преземаат мерки за целосно расчистување на случајот, по што против осомничените ќе биде поднесен соодветен поднесок.

(ВИДЕО) Пожар кај Рампа во Кисела Вода

Скопскиот градоначалник Орце Ѓорѓиевски вчера попладне соошти дека пожарот што избувна во објект кај местото Рампа во Кисела Вода е локализиран и ставен под контрола во рекордно време благодарение на брзата, храбра и професионална интервенција на Противпожарната бригада на Град Скопје.