Претходно денеска Јулија Навална, вдовицата на рускиот опозициски лидер Алексеј Навални, побара од руските власти да го предадат неговото тело за погреб и го обвини рускиот претседател Владимир Путин дека го држи телото на нејзиниот сопруг како заложник
Телото на рускиот опозиционер Алексеј Навални ѝ е предадено на неговата мајка, соопшти неговата портпаролка Кира Јармуш на социјалната мрежа Икс упатувајќи благодарност до сите што побарале да се врати неговото тело.
„Људмила сè уште е во Салехард. Погребот сè уште се чека. Не знаеме дали властите ќе се мешаат погребот да се спроведе како што сака семејството и како што заслужува Алексеј. Ќе ве известиме штом има новости“,
напиша Јармуш.
Alexey’s body was handed over to his mother. Many thanks to all those who demanded this with us.
— Кира Ярмыш (@Kira_Yarmysh) February 24, 2024
Lyudmila Ivanovna is still in Salekhard. The funeral is still pending. We do not know if the authorities will interfere to carry it out as the family wants and as Alexey deserves. We…
Људмила Навални пред два дена изјави дека руските власти вршат притисок врз неа тајно да го погреба телото на нејзиниот син.
Мајката на Навални, кој беше жесток критичар на рускиот претседател Владимир Путин, изјави дека ѝ било дозволено од истражителите да го види телото на својот син во арктичкиот град Салехард.
Би-би-си пренесува оти доколку мајката на Навални, Људмила, одбие да има таен погреб, тој би бил погребан во затворската колонија каде што починал.
Људмила Навални вели дека сака погребот на нејзиниот син да биде јавен за да може сите негови поддржувачи да се збогуваат со него.
Претходно денеска Јулија Навална, вдовицата на рускиот опозициски лидер Алексеј Навални, побара од руските власти да го предадат неговото тело за погреб и го обвини рускиот претседател Владимир Путин дека го мачел неговиот труп. Во шестминутното видео објавено на Јутјуб, Навална го обвини Путин дека го држи телото на нејзиниот сопруг како заложник.
Јулија Навална во видеото тврди дека Путин е лично одговорен за ова и дека го мачи Навални во смрт исто како што го правел тоа во текот на неговиот живот.
„Веќе знаевме дека религијата на Путин е лажна. Но, сега ја гледаме појасно од кога било. Ниту еден вистински христијанин не може да го направи тоа што го прави Путин сега со телото на Алексеј“,
рече Навална.
NEW
— Yashar Ali ? (@yashar) February 24, 2024
In her latest video, @yulia_navalnaya goes after Putin and his regime for withholding the body of her husband from his mother and torturing her for days with lies and threats.
She calls Putin and his cronies satanic and says they will answer for their crimes.
Her video… pic.twitter.com/9ahJHkjkgX