Македонски државјанин, кој денеска слетал на скопскиот аеродром од Германија и имал покачена темпратура, во моментов е ставен во изолација и ќе биде тестиран за коронавирус, соопшти министерот за здравство Венко Филипче.
„Изолирани се и другите луѓе што седеле околу него, согласно препораките. Резултатите ќе бидат готови за неколку часа и навремено ќе информираме за следните чекори“,
изјави Филипче.
Во моментов на Клиниката за инфективни болести има 9 пациенти. На првата заболена пациентка ѝ се подготвува отпусна листа и ќе биде пуштена на домашно лекување. Денеска коронавирус е дијагностициран уште кај четворици жители на Дебар, со што вкупниот број на заразени во земјава се искачи на 13.
Во меѓувреме, забраната за влез на странски државјани, кои доаѓаат од земјите со висок ризик, Филипче вели дека целосно се почитува. Тој апелираше сите граѓани да ги почитуваат и забраните за неодржување јавни собири.
„Ова не е шега. Мора луѓето да сфатат дека ова е за нивно добро“,
рече Филипче.
*Поврзани вести:
Владата прогласи кризна состојба во Дебар и Центар Жупа, 4 нови случаи на коронавирус