Првичната оцена на Владата, по денешната средба Заев-Борисов, како копретседавачи со Самитот, е дека успешниот Берлински процес дава позитивен моментум и охрабрување, надополнето со засилениот ангажман на германското претседателство
Премиерите на С Македонија и на Бугарија и делегациите од двете земји, според информациите, заминале на работен ручек по завршувањето на лидерскиот Самит за Западен Балкан во Софија, во рамки на Берлинскиот процес.
Со оглед на атмосферата на недоразбирања меѓу копретседавачите со Берлинскиот процес околу преговарачката рамка на ЕУ за нашата земја, првичните оцени на македонската Влада се дека успешниот Берлински процес е позитивен и охрабрувачки сигнал.
„Остануваме посветени на наоѓање решение“,
велат од Владата.
Ако се постигне позитивно решение за С Македонија, тоа, како што велат од Владата, ќе биде добро за сите што се вклучени во процесот, а во спротивно ќе имаме „споделен неуспех“.
„Успешниот Берлински процес дава позитивен моментум и охрабрување на процесот. Тоа е надополнето со засилениот ангажман на германското претседателство. По денешните работни средби во Софија, остануваме посветени на наоѓање решение. Тоа е важно и за С Македонија и за Бугарија. Тие сакаат да има решение, ние сакаме исто така. Работиме заедно, како добри соседи посветени на заедничката европска иднина. Ако имаме позитивно решение, тоа ќе биде добро за сите – за С Македонија, за Бугарија, за ЕУ, за целиот Балкански Регион. Во спротивно, ќе имаме споделен неуспех за сите“,
оценуваат од Владата по завршувањето на денешниот Самит.
Обраќањата во рамки на Самитот се на следните линкови:
(ВИДЕО) Меркел до Заев и Борисов: Мора да се согласувате, тоа е многу важно
Борел побара да се задржи позитивниот тренд со отворање на преговорите со Скопје и Тирана
Борисов ја најави средбата со Заев: Можеме да се сретнеме, негативен сум на ковид-19
Мицотакис на Самитот во Софија ја потврди поддршката од Грција за европерспективата на регионот