Германскиот министер за Европа Михаил Рот порачува дека се надева оти наскоро ќе се одржат првите меѓувладини конференции со Северна Македонија и Албанија.
Неговата порака е во контекст на Самитот за Западен Балкан, кој се одржува денеска во рамки на Берлинскиот процес, а со кој копретседаваат Софија и Скопје.
„Во поддршка на ЕУ-перспективите за Западен Балкан, Берлинскиот процес е важен за социоекономскиот напредок на регионот. Реформите треба бргу да дадат резултат, плус да го подигнат животниот стандард за доброто на граѓаните. Се надевам на првите меѓувладини конференции со Албанија и Северна Македонија, наскоро“,
напиша Рот на Твитер.
In support of the #EU perspective of #WEB6, #BerlinProcess is important contribution to socio-economic development of the region! Reforms should pay off quickly+raise living standards with immediate benefits to citizens. Hoping for first accession conferences with 🇦🇱 + 🇲🇰 soon!
— Michael Roth MdB 🇪🇺 (@MiRo_SPD) November 10, 2020
Германската канцеларка Ангела Меркел, пак, денеска присуствуваше на конференцијата во рамки на Берлинскиот процес и одржа заедничка прес-конференција со премиерите на Северна Македонија и Бугарија, Зоран Заев и Бојко Борисов.
Ова е доказ дека може да се организира конференција од две држави, од кои едната е членка, а другата сака да стане членка на ЕУ, рече Меркел, која се вклучи на конференцијата онлајн.
Во еден дел од своето обраќање, таа спомена дека Берлинскиот процес е поврзан и со помирување на недоразбирањата и наследството од минатото и им порача: „Не заборавајте, мора да се согласувате, тоа е многу важно“.