Владата на денешната 69-та седница донесе заклучок 20 август 2022 година (сабота) да биде неработен ден за граѓаните во општините Тетово, Маврово и Ростуше и Центар Жупа поради одржување на избор за градоначалници на Маврово и Ростуше и на Центар Жупа, како и избори на членови на Советот на Општина Тетово.
Изборите кои на 20 август треба да се одржат во општините Маврово и Ростуше и Центар Жупа, се одржуваат поради немање цензус на локалните избори во октомври минатата година.
Обид за одржување на избори во Општина Маврово-Ростуше имаше и во февруари, кога постапката беше прекината од страна на ДИК, затоа што единсвтениот пријавен кандидат ја повлече канидатурата.