Анализата е на Службата за климатски промени „Коперник“ на Европската Унија чии податоци датираат од 1950 година, а за некои мерења и од претходни периоди
Европа ги имаше најтоплите јуни и јули досега, со просечна температура од 21,62 степени Целзиусови, објави денеска Службата за климатски промени „Коперник“ на Европската Унија (ЕУ). Тоа е за 2,79 степени над просечната температура за јуни во периодот од 1991 до 2020 година.
Мерењата покажаа и дека температурите се намалувале од запад кон Источна Европа и Скандинавија, каде што било значително постудено.
Гледано на ниво на цела Европа, јули бил 11-ти најтопол во историјата, со просечна температура од 20,49 степени.
На глобално ниво, минатиот месец бил втор најтопол јули досега, исто како и јули 2024 година, со просечна температура од 16,9 степени, односно 1,47 степени над прединдустрискиот просек за јули. Рекордот и натаму го држи јули 2023 година, со просечна температура од 16,95 степени.
Западна Европа од крајот на пролетта помина низ невообичаено долг период на високи температури, со четири топлотни бранови од крајот на мај.
Податоците на „Коперник“ датираат од 1950 година, а за некои мерења и од претходни периоди.