Претседателот на СДСМ, Зоран Заев изјави дека сака да ги чуе размислувањата и идеите на ДУИ околу предлогот за ротација на премиерската позиција, но укажа дека на државата и е потребен премиер кој што ќе се зафати да работи.
„Не ни треба премиер кој ќе остварува политички агенди. Треба да размислуваме за премиер и министри кои ќе работат за државата и за граѓаните. СДСМ никогаш немал проблем со определбата на кој било кандидат, за која било функција во државата, но за премиер треба да се имаат бројки. Со 15 пратеници, премиер не се добива“,
рече Заев.
Заев е целосно уверен дека ќе обезбеди мнозинство пратеници кои ќе ја поддржат идната Влада, и тоа, според него ќе биде поголемо од потребното. Тој не сакаше да открие врз основа на која математика ја темели својата увереност.
„Македонскиот парламент има 120 пратеници и има доволно корпус за да има стабилна Влада, поткрепена на принципи и договори кои ќе гарантираат многу постабилно мнозинство од потребното од 61 пратеник“,
истакна Заев.
*Поврзана вест: Ахмети му врати на Заев: Премиер не се станува ниту со 46 пратеници