Лидерите на СДСМ и на ВМРО-ДПМНЕ, Зоран Заев и Христијан Мицкоски, се во задолжителна самоизолација откако имале контакт со новинар од една ТВ-куќа, кој е заразен со коронавирус. Ова го објави министерот за здравство Венко Филипче на вонредната прес-конференција претпладнево.
„Резултатот на Мицкоски е негативен, но ќе биде во задолжителна самоизолација од 14 дена. Резултатот на Заев ќе биде готов во текот на денешниот ден“,
рече Филипче.
Лидерот на СДСМ ќе биде во изолација во својот дом во Струмица, каде што заминал синоќа.
Новинарот е во стабилна состојба, во моментов е на лекување во болницата „8 Септемри“.