Според Управата за хидрометеоролошки работи, во текот на викендот се очекува продор на влажен бран, поради што во сабота и во недела времето ќе биде променливо облачно со повремени врнежи од дожд, кои на планините и на некои повисоки места ќе бидат од снег
Денеска времето во земјава ќе биде претежно сончево со мала до умерена облачност, а долж Повардарието ќе дува слаб до умерен ветер од северен правец. Во претпладневните часови по одделни котлини ќе има појава на магла и ниска облачност, информираат од Управата за хидрометеоролошки работи (УХМР).
Утринската температура ќе се движи во интервал од минус пет до три Целзиусови степени, а максималната дневна ќе достигне од пет до 14 степени.
Во Скопје се очекува слично време, претпладне со услови за појава на магла, а во текот на денот сончево во мала облачност. Минималната температура во главниот град ќе се спушти до минус три, а дневната ќе изнесува девет Целзиусови степени.
Според Управата за хидрометеоролошки работи, во текот на викендот се очекува продор на влажен бран, поради што во сабота и во недела времето ќе биде променливо облачно со повремени врнежи од дожд. На планините, а во недела и на некои од повисоките места врнежите ќе бидат од снег. Во недела попладне и во понеделник ќе дува засилен северен ветер.