Бројот на заразени во цела Русија е 17 262 за 24 часа, додека во Москва 9 056 случаи
Москва регистрирала 9 056 случаи на ковид-19 за 24 часа, што е највмногу за еден ден од почетокот на епидемијата.
Во Русија има 453 нови смртни случаи од коронавирус, што е најцрн ден од 18 март наваму. Бројот на заразени, пак, во цела земја е 17 262 за 24 часа.
Според руските власти, само во Москва последниот ден имало 78 смртни случаи од ковид-19.
За ваквата состојба вчера алармираше и московскиот градоначалник, Сергеј Собјанин на состанокот на президиумот на работната група за борба против коронавирусот.
Поради ова, тој нареди воведување задолжителна вакцинација против коронавирусот за сите вработени во услужниот сектор, како дел од борбата против драматичната епидемиолошка ситуација во рускиот главен град.
Градоначалникот на Москва цела оваа недела ја прогласи за неработна поради зголемениот број заразени со коронавирусот.