Поради наглото зголемување на бројот на заразени со коронавирус, московскиот градоначалник нареди од вчера до 19 јуни вработените во главниот град ќе бидат на платен одмор
Московскиот градоначалник Сергеј Собјанин денеска нареди воведување задолжителна вакцинација против коронавирусот за сите вработени во услужниот сектор, како дел од борбата против драматичната епидемиолошка ситуација во рускиот главен град.
„Едноставно, треба да сториме сè што е можно за да извршиме масовна вакцинација што е можно поскоро и да ја запреме оваа страшна болест и да ја запреме смртта на неколку илјади луѓе“,
рече Собјанин.
Градоначалникот на Москва цела оваа недела ја прогласи за неработна поради зголемениот број заразени со коронавирусот. Во моментов во Москва се хоспитализирани 12 000 лица.
Најавата на Москва за задолжителна вакцинација против коронавирусот е прва во Русија и е во спротивност со изјавите на претседателот Владимир Путин, кој кажа дека се противи на присилната вакцинација, иако и тој ги повика Русите да се вакцинираат.
Собјанин рече дека во Москва, метропола со околу 13 милиони жители, вакцинирани се само 1,8 милион лица.
Во последните 24 часа во Русија се регистрирани 13 397 новозаразени и 396 смртни случаи од коронавирус. Во Москва има 5 782 заразени и 75 починати.
Поради наглото зголемување на бројот на заразени со коронавирус, московскиот градоначалник нареди од вчера до 19 јуни вработените во главниот град да бидат на платен одмор.