Првите вакви станици веќе се инсталираат во Германија, во Минхен, Бон и Берлин, а потоа и во Брисел. Втората екипа оди во Берн, Виена и Венеција, третата во Лондон, потоа ќе има мобилна станица во Стокхолм, четвртиот тим ќе се упати во САД каде ќе инсталира базни станици во Њујорк и Чикаго, продолжувајќи во Канада, каде ќе биде инсталирана една мобилна станица во Торонто. Последниот, петтиот тим ќе биде упатен во Австралија каде ќе биде инсталирана една мобилна станица во Мелбурн
Во 15 наши дипломатско-конзуларни претставништва ќе бидат поставени мобилни станици, со што ќе се олесни и забрза процесот на издавање патни исправи за нашите иселеници.
Досега за издавање пасоши на барање од наши државјани кои живеат во странство мобилни екипи од МНР со опрема заминуваа во амбасадите, земаа податоци и ги фотографираа, а потоа се враќаа во земјава каде во МВР ги обработуваа податоците, ги изработуваа пасошите, па повторно од МНР ги носеа обработените документи и ги издаваа на апликантите. И сето ова траеше четири до шест месеци, за што четири пати во годината тимови на МНР патуваа во нашите претставништва надвор.
Министерот за надворешни работи Бујар Османи и министерот за внатрешни работи Оливер Спасовски денеска го промовираа овој систем на издавање патни исправи за нашите надвор, за што рекоа дека веќе тие нема да мора да доаѓаат во земјава еднаш во годината, а пасошите наместо за неколку месеци ќе ги добиваат за неколку недели.
Првите вакви станици се инсталираат во Германија, во Минхен, Бон и Берлин, а потоа и во Брисел. Втората екипа оди во Берн, Виена и Венеција, третата во Лондон, потоа ќе има мобилна станица во Стокхолм, четвртиот тим ќе се упати во САД каде ќе инсталира базни станици во Њујорк и Чикаго, продолжувајќи во Канада, каде ќе биде инсталирана една мобилна станица во Торонто. Последниот, петтиот тим ќе биде упатен во Австралија каде ќе биде инсталирана една мобилна станица во Мелбурн.
„Сега прв пат се овозможува луѓето кои живеат и во државата и во дијаспората да имаат еднакви услови во издавањето на личните документи. Ние како министерства презедовме повеќе активности се со цел да се реализира целиот овој проект. Разговаравме пред средбата и договривме да продолжи овој проект за секое ДКП да има своја базна станица и практично да ги ставиме во еднаква, рамноправна положба секој еден наш државјанин кој живее каде било во светот да има еднаков пристап до остварувањето на своите права. И пандемијата со ковид-19 ни покажа колку е важно и потребно да имаме еден ваков систем, бидејќи рестриктивните мерки кои се воведуваат секаде во државите низ светот, со цел да се спречи ширењето на пандемијата, во најголема мера влијаеја и во остварувањето на ова право“,
рече Спасовски.
Во однос на опфатот на граѓаните со овие базни станици и одредувањето на приоритетите за поставување на првите базни станици, Османи на новинарско прашање посочи дека дел проценката се темели на основа на податоците што ги има МНР преку ДКП, но, вели, им помогнала и тековната состојба со резултатите од пописот.