Од опозициската партија велат дека Јавното обвинителство не смее да замижува пред фактите за како што кажаа, криминалното здружување на соларниот картел предводен од Димитар Ковачевски и неговиот кум Горан Паунов преку кој црпеле милионски суми државни пари додека граѓаните едвај преживуваат.
„Не може за обвинителството да молчи пред фактот дека овие пари соларниот картел ги заработил најмногу во периодот откако Ковачевски е функционер и во центарот да биде токму Пиксел груп, фирмата во која тој е еден од основачите”,
се вели во соопштението.
Ковачевски и неговиот кум Паунов ја формирале Пиксел груп откако СДС доаѓа на власт и истата од 2019 до 2021 година добива над половина милион евра државна помош. И за да биде криминалот очигледен половина од времето Ковачевски е на функција.
Од ВМРО-ДПМНЕ обвинуваат дека во периодот кога Ковачевски бил мандатар за состав на новата Влада, компанијата земала над 200 000 евра.
„И тука не запрел овој соларен картел со црпењето државни пари. КМГ ЕОЛ Квазар, фирма основана од кумот на Ковачевски добила речиси 2 милиони евра за тендери за поставување на фотоволтаични панели и тоа баш произведени од Пиксел груп, основана од Ковачевски и неговиот кум.Не може да биде случајно фирмата на кумот и ортак на Ковачевски да склучи и договор за монтирање фотоволтаични панели од над 2 милиони евра, баш кога тој е заменик министер”,
тврдат од ВМРО-ДПМНЕ.
Дополнително велат дека откако Ковачевски станал премиер, фирмата како партнер добила бугарска компанија со која заедно градат фабрика во ТИРЗ Тетово во вредност од 54 милиони евра.
„Поочигледен случај за криминал, злосторничко здружување и тргување со влијание, обвинителството и не може да најде. Се што треба е да собере храброст и да отвори случај за соларниот картел предводен од Ковачевски.26 милиони евра се украдени од граѓаните во аферата Броило, пари кои можеле да се наменат за помош за граѓаните кои не знаат како ќе си ги платат сметките. Затоа ЈО не смее да молчи пред фактите и да застане во одбрана на криминалот”,
нотираат од партијата.