Потврдата за прележан ковид-19 да важи 180 дена, а не 45 како што е актуелната одлука, беше една од првите препораки кои произлегоа од новиот состав на Комисијата за заразни болести, а подоцна беа и оние за укинување на сертификатите за излез од земјата и за враќање на бремените жени на работа
Препораката за продолжување на важноста на сертификатите за прележаност од ковид-19 не е разгледана на денешната владина седница.
Владиниот портпарол Мухамед Хоџа на прес-конференцијата во Владата информира дека за ова не е дискутирано на денешната седница затоа што првично препораките од Комисијата за заразни болести треба да бидат разгледани на Главниот оперативен кризен штаб.
„На денешната седница не се расправаше за ова бидејќи препораките и предлозите од Комисијата за заразни болести треба прво да се разгледаат на Оперативниот кризен главен штаб кој треба да заседава наредниве денови“,
изјави Хоџа, одговарајќи на новинарски прашања.
Претходно, Комисијата препорача и потврдата за прележан ковид-19 да важи 180 дена, а не 45 како што е актуелната одлука, што беше една од првите препораки кои произлегоа од новиот состав на Комисијата за заразни болести.
Со ова, се усогласува времетраењето на сертификатот со останатите земји во ЕУ и светот каде што потврдата за прележување на болеста важи до 180 дена.
На 22 февруари Комисијата за заштита од заразни болести донесе препорака и да се укине мерката за задолжително поседување негатвен ПЦР тест или сертификат за вакцинација или за прележан ковид при излез од земјава, која беше донесена минатата година.
И за оваа препорака ниту Кризниот шат ниту Владата не одлучувале. Во меѓувреме, денеска Комисијата донесе уште една препорака – да се укинат ковид-сертификатите за влез во моловите во делоот каде што се носат маски, додека за рестораните да останат.