Мелони го предводеше сојузот на конзервативните партии до победата на изборите на 25 септември и ќе ја води најдесничарската влада во земјата од Втората светска војна
Новата италијанска екстремно десничарска влада на Џорџа Мелони лесно го доби вториот и последен од двата гласа за доверба во парламентот.
За време на вечерашното гласање во Сенатот, 115 сенатори гласаа за поддршка на нејзиниот коалициски кабинет, а 79 гласаа против. Петмина беа воздржани.
На коалицијата и беа потребни најмалку 104 гласа за целосно мнозинство.
Долниот дом на италијанскиот парламент вчера ја поддржа владата на Мелони.
Лидерката на десничарската партија Браќа на Италија, Џорџа Мелони минатиот петок се согласи да го прифати мандатот и да ја формира следната влада на Италија.
Мелони го предводеше сојузот на конзервативните партии до победата на изборите на 25 септември и ќе ја води најдесничарската влада во земјата од Втората светска војна.
Новата влада се соочува со големи предизвици, вклучувајќи ја претстојната рецесија, зголемените цени на енергијата и војната во Украина.