Финалниот натпревар против Шпанија е закажан за недела, 19 јули, додека ден претходно Франција и Англија ќе играат за третото место
Аргентинската фудбалска репрезентација се пласираше во финалето на Светското првенство, откако во полуфиналето во Атланта со пресврт ја совлада Англија со 2:1.
Во финалето, Аргентина ќе се сретне со Шпанија во борбата за светската титула.
Првото полувреме заврши без голови, а Англија поведе во 55. минута преку Ентони Гордон. По примениот гол Аргентина ја презеде иницијативата и создаде неколку одлични шанси, но англискиот голман Џордан Пикфорд со неколку одлични интервенции го чуваше водството на својот тим.
Сепак, во финишот од натпреварот Аргентина успеа да направи целосен пресврт.
Енцо Фернандез израмни во 85. минута, а резервистот Лаутаро Мартинез во втората минута од судиското продолжение го постигна победничкиот гол за конечни 2:1.
Со оваа победа Аргентина стана вториот финалист на Мундијалот и ќе има можност да ја одбрани шампионската титула во дуелот со Шпанија.
Финалниот натпревар против Шпанија е закажан за недела, 19 јули, додека ден претходно Франција и Англија ќе играат за третото место.