Италија за време на викендот регистрира над 800 пожари воглавно во јужниот дел на земјата.
„Во изминатите 24 часа пожарникарите имаа повеќе од 800 интервенции: 250 на Сицилија, 130 во Пуљи и Калабрија, 90 во областа Лацио и 70 во Кампања“,
објави на Твитер италијанската пожарникарска служба.
Се наведува и дека пожарникарите се на терен и во три града на Сицилија.
Италија изминативе денови е погодена од топлотен бран. Температурите на воздухот се искачија до 40 степени целзиусови со што е зголемена опасноста од пожари.
Кон крајот на минататса недела во пожар се уништени 20 000 хектари шума насади со маслинки и посеви на Сардинија.