Погледнете го новото издание на емисијата „360 степени”, емитувано на 18 март 2024 г. на МРТ 1, во кое гостува потпретседателката на ВМРО-ДПМНЕ, Гордана Димитриеска-Кочоска
Зошто потпретседателката на ВМРО-ДПМНЕ, Гордана Димитриеска-Кочоска, не е меѓу носителите на пратенички листа за претстојните избори и каков исходот очекува од нив? Можно ли е сценарио во кое ВМРО-ДПМНЕ би освоила најмногу пратеници, но не би формирала влада? Ова се дел од прашањата до Димитриеска-Кочоска, која гостува во новото издание на емисијата „360 степени“ на МРТ 1. Потпретседателката на опозициската партија, чија експертиза е во областа на финансиите, ја прашуваме и каков министер за финансии, според неа, е Фатмир Бесими и дали заклучокот оти „владата на СДСМ и ДУИ нè турна во фискална провалија“ е пресилна. Теми се и висината и растот на просечната и на минималната плата, со што се гордее власта. Разговараме и за тоа како би се поставила евентуална идна влада на ВМРО-ДПМНЕ кон прашањето за платите на функционерите и пензиите.