Зад документот стои Роберт Менендез, демократ од Њу Џерси, претседавач со Комитетот за надворешни работи, кој изјави дека законот испраќа јасна порака до Русија
Демократите во Сенатот на САД подготвиле нацрт-закон за пакет санкции за рускиот претседател Владимир Путин, во случај Москва да изврши воена окупација на територијата на Украина, јави денеска „Вашингтон пост“.
Според весникот, Белата куќа го поддржува нацрт законот.
Зад документот стои Роберт Менендез, демократ од Њу Џерси, претседавач со Комитетот за надворешни работи во Сенатот. Тој изјави дека законот испраќа јасна порака до Русија:
„Путин нема потреба да ја уништи целата економија, ниту треба да ги жртвува животите на своите сонародници во напразен обид да ги прекрои границита на Европа“
Постои уште еден нацрт закон за казнени мерки против Русија во случај на ескалација на конфликтот со Украина подготвен од сенаторите републиканци. Документот се однесува на гасоводот „Северен тек 2“ од Русија до Германија, по дното на Балтичкото Море.
Администрацијата на претседателот Џо Бајден претходно ја напушти идејата за санкции против „Северен тек-2“. Вашингтон тоа го направи од загриженост дека таквите дејства ќе ги поткопаат односите на САД со сојузниците.
Гласањето за санкциите во Сенатот е закажано за 14 јануари.