„Вашингтон пост“: Можен е договор за размена на заложници меѓу Хамас и Израел

Во извештајот се вели дека Израел бара ослободување на 100 жени и деца за кои се верува дека ги држи Хамас, додека Хамас изразил подготвеност да ослободи 70. Во израелските затвори има најмалку 120 палестински жени и млади кои би можеле да бидат ослободени во замена

Се наѕира можен договор за ослободување на жените и децата кои ги држи Хамас како заложници во замена за младите Палестинци кои се држат во израелските затвори, пишува „Вашингтон пост“.

„Хамас ја загуби контролата над Појасот Газа“,

тврди израелскиот министер за одбрана Јоав Галант.

Според Министерството за здравство во Газа, сите болници во северниот дел на енклавата не се во функција, додека ситуацијата во другите болници е тешка.

Израелски функционер за „Вашингтон пост“ изјавил дека договорот со кој Хамас ќе овозможи ослободување на десетици жени и деца кои ги држи групата во Појасот Газа е при крај и може да биде објавен за неколку дена.

„Се појавува општата рамка на договорот“,

рече претставникот.

Во таа рамка заложниците ќе бидат ослободени во групи во замена за младите Палестинци затворени во Израел, според неименуваниот функционер.

Во извештајот се вели дека Израел бара ослободување на 100 жени и деца за кои се верува дека ги држи Хамас, додека Хамас изразил подготвеност да ослободи 70.

Во израелските затвори има најмалку 120 палестински жени и млади лица кои би можеле да бидат ослободени во замена.

Израел, исто така, ќе се согласи на привремен прекин на огнот до пет дена за да се овозможи безбедно минување на заложниците и протокот на помош за цивилите во Газа.

Според претставници од Белата куќа, преговорите за ослободување на израелските и странските заложници кои ги држеше Хамас „продолжуваат да напредуваат од ден во ден, од час во час“.

Најголемата болница во Газа станува гробница, предвремено родените бебиња и бубрежно болните пациенти оставени на судбината

Советникот за национална безбедност на Белата куќа, Џејк Саливан, посочил дека Катар разговара со Хамас, Израел разговара со Катар, Соединетите Држави разговараат и со двете страни за да се обидат да напредуваат до точка каде што заложниците можат да бидат ослободени.

Неговите забелешки уследија по коментарите на претседателот Бајден дека има напор да се постигне оваа пауза во борбите во Газа за да се справи со ослободувањето на затворениците.

ЕУ: Болниците, цивилите и медицинскиот персонал во Газа мора да бидат заштитени

Бајден, кој претходно предложи тридневна пауза во борбите, разговараше со катарскиот емир Тамим бин Хамад ал-Тани во текот на викендот.

Арапската лига го започна форумот посветен на конфликтот во Појасот Газа