Ја истакнав важноста од слободни, фер и инклузивни избори во Северна Македонија, водејќи сметка за состојбата со ковид-19, како и за потребата од ефикасно економско закрепнување, напиша еврокомесарот на Твитер
Еврокомесарот за проширување Оливер Вархеји имал разговори со партиските лидери Зоран Заев и Христијан Мицкоски околу претстојните предвремени парламентарни избори.
Spoke to leaders of @SDSMakedonija @Zoran_Zaev and @VMRO_DPMNE @MickoskiHM tonight to stress the importance of free, fair, inclusive elections in #NorthMacedonia, taking into account #COVID__19 situation as well as the need to efficiently address economic recovery.
— Oliver Varhelyi (@OliverVarhelyi) June 10, 2020
„Вечерва разговарав со лидерите на СДСМ Зоран Заев и на ВМРО-ДПМНЕ Христијан Мицкоски и ја истакнав важноста од слободни, фер и инклузивни избори во Северна Македонија, водејќи сметка за состојбата со ковид-19, како и за потребата од ефикасно економско закрепнување“,
напиша еврокомесарот на Твитер.
Инаку, Владата на денешната седница донесе измени на Уредбата за изборниот процес во насока на ажурирање на избирачкиот список, со што го отвори патот за одржување на изборите на 5 јули.
Со уредбата, се овозможува ажурирањето на избирачкиот список да почне пред да заврши вонредната состојба, на 14 март и да тече паралелно со кампањата. МВР треба да достави податоци за лицата кои ќе стекнат полнолетство до 22.ден од завршувањето на вонредната состојба, а ако таа заврши в недела, тогаш 22 ден е 5 јули.
Единствен кој на седницата гласал против уредбата бил техничкиот министер за внатрешни работи Наќе Чулев.