Вархеји и Мишел со пораки за партнерство и приближување на регионот во пресрет на Самитот во Тирана

Еврокомесарот проширување и добрососедство, Оливер Вархеји, пред почетокот на Самитот кусо изјави дека партнерството што го нуди ЕУ е причината што овој самит по првпат се одржува на Западен Балкан. Претседателот на Советот на Европа, Шарл Мишел, пак, изјави дека денешниот ден е историски не само за Тирана туку и за односот на ЕУ со Западен Балкан

Претседателот на Советот на Европа Шарл Мишел и еврокомесарот за проширување Оливер Вархеји, пред почетокот на Самитот на ЕУ-Западен Балкан што денеска се одржува во Тирана, испратија пораки за меѓусебно партнерство меѓу Европската Унија и Западен Балкан, а со тоа и побезбедна иднина за земјите од регионот.

Еврокомесарот проширување и добрососедство Оливер Вархеји пред почетокот на Самитот кусо изјави дека партнерството што го нуди ЕУ е причината што овој самит за првпат се одржува на Западен Балкан.

Претседателот на Советот на Европа, Шарл Мишел, пак, изјави дека денешниот ден е историски не само за Тирана туку и за односот на ЕУ со Западен Балкан.

„Ова ќе биде важен, симболичен состанок. Ова е првпат да се одржува овде, во земја која не е членка. Убеден сум дека иднината на нашите деца ќе биде побезбедна со нашите напори. Денеска ќе го потпишеме договорот за роаминг трошоци. Олеснување за бизнисите, граѓаните, туризмот. Следното прашање ќе биде енергетската криза. Возбудливо е да се биде овде. Иднината на Европа, тоа е иднината на нашите деца, ќе биде побезбедна со Западен Балкан. Приближувањето до регионот е важно за нас“,

изјави Мишел. 

Потпишан договор во Тирана: Следната година ќе имаме поевтин роаминг со земјите од ЕУ

Главна тема на Самитот на ЕУ-Западен Балкан, меѓу другото, останува конфликтот во Украина. Лидерите на ЕУ во Тирана ќе разговараат и за негативните последици од енергетската криза во Западен Балкан, кибернападите, вклучително и загриженоста за зголемување на илегалната имиграција во земјите на ЕУ. 

Ковачевски пречекан од Рама на Самитот на ЕУ-Западен Балкан во Тирана

Безбедносните мерки во албанската метропола се на највисоко ниво, а на булеварот „Народни херои“, каде што опозицијата во 12 часот најави протест, како и на булеварот „Италија“, каде што се наоѓа Конгресната палата каде што се одржува самитот, целосно е блокирано движењето со поставени полициски кордони.