Како причина се наведува дека е потребно усогласување на техничка документација
Иако за утре попладне на граничниот премин „Табановце“ беше најавено примопредавање на вакцините на „Фајзер“, шгто земјава ги купува од Србија, настанот е одложен за некој од наредните денови.
Од Владата, пред полноќ, соопштија дека, поради потребата од усогласување на техничка документација околу доставувањето на вакцините, настанот се одложува за друг датум следните денови.
Слична е аргументацијата и на кабинетот на српскиот претседател Александар Вучиќ, кој, како што беше најавено, требаше на „Табановце“ да се сретне со македонскиот премиер Зоран Заев, за време на примопредавањето на вакцините против коронавирус.
„Поради неопходна дополнителна техничка документација се одлага примопредавањето на вакцините од Србија за Северна Македонија“,
соопштија од кабинетот на Вучиќ.