Вработени во Царинската управа биле нападнати од група граѓани во Тетово за време на акција против нелегална продажба на цигари, режан тутун и други тутунски производи. Акцијата била во координација со Државниот пазарен инспекторат, а освен во Тетово претреси имало и во Скопје.
„Двете акции паралелно се спроведоа во Скопје и Тетово, при што на територијата на Општина Тетово службените лица при вршење на претресот беа брутално нападнати од страна на поголема толпа луѓе кои и се познати на полицијата и против нив ќе биде покрената соодветна пријава.“
– стои во соопштението на Царинската Управа.
Во акциите запленети биле 113 килограми режан тутун и 415 кутии цигари.