Вкупно 11 лица, меѓу кои тројца малолетници и двајца странски државјани, го прекршиле полицискиот час во Тетовско во последните 24 часа.
Како што информираат од СВР-Тетово, во периодот од 7 часот на 19 април до истиот термин утринава, 11 лица го прекршиле полицискиот час, од кои тројца се малолетници, а двајца се државјани на Албанија, за кои ќе биде поднесена и пријава за непријавување престој.
„Двајцата странски државјани, на 25 и 26 години, се откриени на улица „Иво Рибар Лола“ во недела околу 13 часот. Освен според член 206 од Кривичниот законик, двајцата ќе добијат пријава и за непријавен престој. Сите 11 лица ќе добијат пријава за непостапување според здравствени прописи за време на епидемија“,
информира Марјан Јосифоски, портпарол на СВР Тетово.
На ова подрачјето нема нови лица кои треба да бидат до домашна изолација со решение на Државен здравствен и санитарен инспекторат. За самоизолација изјави потпишале три лица.