Регулаторната комисија за енергетика и денеска најави оти ќе носи одлука за цената на нафтените деривати кои ќе важат од полноќ, а одлуката како што соопштуваат оттаму ќе биде донесена во текот на денот
Регулаторната комисија за енергетика (РКЕ) и денеска ќе носи одлука за цените на нафтените деривати кои ќе важат од полноќ, а одлуката како што изјави портпаролката на РКЕ, Марина Узинов, ќе биде соопштена во текот на денот.
„Предусловите се исполнети, РКЕ ќе донесе одлука која ќе биде на сила од 00:01 на полноќ) 18.03.2022“,
изјави Узунов.
Во изминатите три дена ова ќе биде трета одлука за цените на нафтените деривати која ја носи Регулаторната комисија.
Според вчерашната одлука на Регулаторна, малопродажните цени на бензините поевтинија за пет денари по литар, цената на дизелот се намали за шест денари по литар, а цената на Екстра лесното масло за домаќинство (ЕЛ-1) се намали за 5,50 денари по литар.
Завчера, пак, според одлуката на Регулаторна цената на дизелот се намали за три денари по литар, цената на екстра лесното масло за домаќинство се намали за 2,5 денари, а бензините останаа со исти цени.
Цените на горивата се носат врз основа на изменетиот Правилник за одредување на малопродажните цени на нафтените деривати со кој Регулаторната комисија може секој ден да носи одлуки за промена на цените на горивата доколку пресметката за цената на било кој нафтен дериват оди нагоре или надоле за два денара.
За пресметката се зема просекот од претходните петдневни котации на берзата и воопшто не влијае цената на суровата брент нафта на светскиот пазар.