Твитер, кој беше главната комуникациска алатка на Трамп за време на неговите претседателски денови, во јануари трајно го укина неговиот профил со 88 милиони следбеници поради поттикнување насилство и по немирите на неговите приврзаници во Капитол Хил
Поранешниот американски претседател Доналд Трамп, кому од јануари му е забранет пристап до Твитер, за три месеци ќе се врати на социјалните мрежи со своја платформа, соопшти неговиот советник Џејсон Милер.
„Ќе го видиме претседателот Трамп повторно на социјалните мрежи за веројатно два до три месеци, со своја платформа“,
изјави Милер за Фокс њуз, без да даде други детали.
Милер рече дека платформата ќе биде голема и оти би требало да привлече милиони корисници.
Твитер, кој беше главната комуникациска алатка на Трамп за време на неговите претседателски денови, во јануари трајно го укина неговиот профил со 88 милиони следбеници поради поттикнување насилство и по немирите на неговите приврзаници во Капитол Хил.
На Трамп привремено или трајно му е забранет пристап и до други платформи и социјални мрежи како што се Фејсбук, Инстаграм, Јутјуб и Снепчат.