Според портпаролот на СВР-Штип, Гордана Панајотова, во несреќата што синоќа се случи на автопатот Штип-Кочани се повредени тројцата возачи кои учествувале во несреќата. Меѓу повредените е 30-годишна жена од Штип која се здобила со тешки телесни повреди и е хоспитализирана во Клиничкиот центар во Скопје
Тешка сообраќајна несреќа се случи синоќа во 20:45 часот меѓу три возила на магистралниот пат Штип-Кочани, кај местото викано Чифличка крстосница. Во несреќата се повредени три лица.
Според портпаролот на СВР-Штип, Гордана Панајотова, во несреќата се повредени тројцата возачи, кои учествувале во несреќата.
Меѓу повредените е 30-годишна жена од Штип која се здобила со тешки телесни повреди и е хоспитализирана во Клиничкиот центар во Скопје.
Портпаролот на Клиничка болница Штип, Марина Шуманска потврдува дека синоќа во болницата е примено женско лице, но веднаш е транспортирано во Клиничкиот центар во Скопје.
Сообраќајот на оваа делница синоќа беше во прекин во двата правци, додека траеше увидот.
Инаку, оваа крстосница е позната црна точка на патот Штип- Кочани.