Демонстрантите во Париз извикуваа слогани за поддршка на Иранките, но го осудија и францускиот претседател Емануел Макрон, кој неодамна се сретна со неговиот ирански колега Ебрахим Раиси во Њујорк на маргините на Генералното собрание на ОН
Паралелно на протестот во Париз, организиран е и протест во Лондон во близина на иранската амбасада, при што се приведени пет лица кои се обиделе да ја поминат полициската блокада и кои фрлале разни предмети кон полицајците, соопшти британската полиција
Француската полиција употреби солзавец за да спречи неколку стотици луѓе да стигнат до иранската амбасада во Париз, каде што демонстрантите организираа марш во знак на протест против иранското задушување на демонстрациите.
Вториот последователен протест во Париз доаѓа по смртта на 22-годишната Иранка Махса Амини која беше притворена од т.н. моралната полиција во Иран оти не носела соодветен хиџаб што ќе ѝ ја покрива косата.
Демонстрантите извикуваа слогани за поддршка на Иранките, но го осудија и францускиот претседател Емануел Макрон, кој неодамна се сретна со неговиот ирански колега Ебрахим Раиси во Њујорк на маргините на Генералното собрание на ОН.
Паралелно на протестот во Париз, организиран е и протест во Лондон во близина на иранската амбасада.
Британската полиција во неделата вечерта соопшти дека уапсила пет лица кои се обиделе да ја поминат полициската блокада и кои фрлале разни предмети кон полицајците.
Неколку полицајци се здобиле со полесни повреди.
Thousands turn up to protest against the Iranian regime outside the #Iran embassy in #London. The protesters seem to have a consensus goal shared with the Iranians in #Iran: overthrow the Islamic regime, bring back @PahlaviReza for a free Iran. pic.twitter.com/3TxFQXbG2Q
— Emily Schrader – אמילי שריידר (@emilykschrader) September 25, 2022
Протестите во Иран, пак, започнаа на 16 септември, денот кога во болница почина Махса Амини (22), која беше уапсена од т.н. полиција за морал на 13 септември во Техеран бидејќи наводно не ги почитувала строгите правила за покривање на главата со соодветен хиџаб. Очевидци рекоа дека Амини била претепана додека била во полициско комбе кога била приведена во вторникот во Техеран, по што паднала во кома во полициската станица.
Полицијата ги негираше обвинувањата велејќи дека девојката починала откако имала ненадеен срцев удар.
Гневот на јавноста се зголеми откако властите посочија дека таа не била малтретирана од полицијата, и покрај изјавите на очевидци за тепање.
Според последниот биланс, во протестите во Иран досега загинале 41 лице, додека неколку стотици лица се уапсени. Сепак, групите за човекови права и други набљудувачи сугерираат дека бројот е веројатно поголем бидејќи протестите се проширија во најмалку 80 градови и населени места.
Во меѓувреме, претседателот на Иран, Ебрахим Раиси, најави истрага за смртта на 22-годишната девојка.
Иранскиот претседател рече дека контактирал со семејството на починатата девојка и ветил оти случајот ќе биде детално испитан додавајќи дека не треба да се избрзува со заклучоци.