Светската здравствена организација (СЗО) денеска соопшти дека придобивките од вакцината против коронавирусот на „АстраЗенека“ го надминуваат ризикот од потенцијален развој на тромб.
СЗО наведува дека сè уште ја испитуваат безбедноста на вакцината откако дваесетина земји во ЕУ ја прекинаа употребата по извештаите дека кај некои пациенти се појавил тромб по вакцинацијата.
Од 17 милиони луѓе вакцинирани со оваа вакцина во светот, пријавени се 40 случаи на тромбоза и белодробна емболија и неколку смртни случаи, што доведе до сомнежи за безбедноста на вакцината.
„Во моментов, СЗО верува дека придобивките од вакцината на „Астра Зенека“ ги надминуваат ризиците и препорачува да продолжи употребата на вакцината“,
се наведува во соопштението на СЗО.
И Европската агенција за лекови и СЗО и „АстраЗенека“ инсистираат на тоа дека вакцината, развиена во соработка со Универзитетот во Оксфорд, е безбедна и дека нема врска помеѓу вакцините и пријавените згрутчувања на крвта.
Претставниците на ЕУ се согласија со нив, верувајќи дека придобивките од вакцината ги надминуваат сите можни ризици.
Досега повеќе од 11 милиони Британци се имунизирани со вакцината на шведската компанија и не се пријавени сериозни проблеми или несакани ефекти.