Инаку, оваа фотографијата е прва официјално објавена слика на принцезата откако таа беше подложена на операција на абдоменот во јануари годинава. Изминатите неколку недели во јавноста, особено во Англија, имаше интензивни шпекулации поврзани со нејзиното здравје
Неколку новински агенции ја повлекле претходно објавената фотографија на која се прикажани сопругата на британскиот принц Вилијам, принцезата Кејт Мидлтон од Велс, и нивните три деца, со образложение дека се работи за манипулација, пренесува „Индепендет“.
Фотографијата е објавена на официјалниот инстаграм-профил насловен како принцот и принцезата од Велс на која се гледа како принцезата Кејт насмеана седи на столче и е опкружена со своите три деца, принцот Џорџ кој стои зад неа, а принцезата Шарлот и принцот Луис кои стојат од нејзината лева и десна страна.
Фотографијата е поставена со цел да го одбележи 8 Март, Денот на мајката.
Насловот на фотографијата на Инстаграм гласи:
„Ви благодариме за добрите желби и континуираната поддршка во последните два месеца. На сите им посакуваме среќен Ден на мајката“.
На крајот од објавата е посочено дека фотографијата ја направил принцот Вилијам.
Според странските медиуми, фотографијата е снимена минатата недела во Виндзор.
Новинските агенции побарале од клиентите да ја повлечат фотографијата од сите платформи. Асошиејтед прес објавил дека фотографијата на Кеј и нејзините деца е повлечена од порталот и истовремено тоа го бара од сите претплатници кои ја презеле веста и фотографијата.
„При подетална проверка се чини дека изворот манипулирал со сликата“,
пишува Асошиејтед прес.
Оттаму велат дека забележале неконзистентност во порамнувањето на левата рака на принцезата Шарлот.
Инаку, оваа фотографијата е прва официјално објавена слика на принцезата откако таа во јануари годинава беше подложена на операција на абдоменот. Изминатите неколку недели во јавноста, особено во Англија, имаше и интензивни шпекулации поврзани со нејзиното здравје.
Од палатата Кенсингтон соопштија дека нема да обрнуваат внимание на разните тврдења, како и дека ќе ги објавува само неопходните информации за принцезата.
Сепак, како што тврдат странските медиуми, тоа само ги надополни шпекулациите што се крие зад вистината за Кејт Мидлтон.