Во низата честитки за премиерската функција на Риши Сунак, портпаролот на Кремљ, Дмитриј Песков изјави дека изборот на Сунак за нов британски премиер не дава причина за надеж за позитивен развој на односите меѓу Велика Британија и Русија
Светските лидери му честитаат на Риши Сунак за преземањето на премиерската функција, откако тој денеска и официјално стана нов пример на Велика Британија, по аудиенцијата кај кралот Чарлс Трети на која и формално го доби мандатот за состав на новата влада на Обединетото кралство.
Американскиот претседател Џо Бајден му честита на Сунак за премиерската функција и посочи оти со нетрпение се очекува заедничката соработка за прашања од клучно значење за глобалната безбедност и просперитет, вклучително и продолжување на поддршката за Украина.
Congratulations to Rishi Sunak on becoming Prime Minister of the United Kingdom.
— President Biden (@POTUS) October 25, 2022
Together, I look forward to enhancing our cooperation on issues critical to global security and prosperity, including continuing our strong support for Ukraine.
Канадскиот премиер Џастин Трудо, исто така, испрати добри желби и го опиша партнерството на Канада со Обединетото Кралство како еден од најсилните односи меѓу двете земји во светот.
„Партнерството меѓу нашите две земји е дефинирано од историјата и приоритетите што ги споделуваме. Додека работиме на постигнување резултати за луѓето кои Канада и Обединетото Кралство ги нарекуваат дом – ајде да продолжиме да го зајакнуваме ова партнерство“,
напиша Трудо на Твитер.
Congratulations, @RishiSunak. The partnership between our two countries is defined by the history – and the priorities – we share. As we work to deliver results for the people who call Canada and the United Kingdom home, let’s continue to strengthen this partnership.
— Justin Trudeau (@JustinTrudeau) October 25, 2022
Трудо воедно ѝ се заблагодари на експремиерката на Британија Лиз Трас за нејзината посветеност во работата со Канада и ѝ посака се најдобро во нејзиното следно поглавје.
Честитки за премиерската позиција на Сунак пристигнаа и од Европската Унија.
Шефицата на Европската комисија, Урсула фон дер Лајен, на Твитер му честита на новиот британски премиер и посочи дека ЕУ смета на цврсти односи со Велика Британија, со целосно почитување на договорот постигнат по нејзиниот излез од блокот.
„Во времиња кога нашиот континент е на испит, сметаме на цврсти односи со Обединетото Кралство за да ги одбраниме нашите заеднички вредности, со целосно почитување на нашите договори“,
напиша Фон дер Лајен на Твитер.
Congratulations to @RishiSunak on your appointment as U.K. Prime Minister.
— Ursula von der Leyen (@vonderleyen) October 25, 2022
In these testing times for our continent, we count on a strong relationship with the U.K. to defend our common values, in full respect of our agreements.
Кон честитките се приклучи и украинскиот претседател Володимир Зеленски кој изрази подготвеност Украина и Велика Британија да го зајакнат стратегиското партнерство.
„Честитки до Руши Сунак за преземање на функцијата премиер на Велика Британија. Ви посакувам успешно да ги надминете сите предизвици со кои се соочува британското општество и целиот свет денес. Подготвен сум да продолжам заедно да го зајакнуваме стратешкото партнерство меѓу Украина и Британија“,
се наведува во честитката на Зеленски.
Congratulations to @RishiSunak on taking office as 🇬🇧 Prime Minister! I wish you to successfully overcome all the challenges facing British society and the whole world today. I’m ready to continue strengthening the 🇺🇦-🇬🇧 strategic partnership together!
— Володимир Зеленський (@ZelenskyyUa) October 25, 2022
Во меѓувреме, портпаролот на Кремљ, Дмитриј Песков денеска изјави дека изборот на Риши Сунак за нов британски премиер не дава причина за надеж за позитивен развој на односите меѓу Велика Британија и Русија.
„Во моментов не гледаме ниту претпоставка, ниту основа, ниту надеж за тоа дека во нашите односи ќе дојде до какви било промени кон подобро во блиска иднина“,
рече Песков.
Премиерската функција на Сунак му ја честиташе и лидерот на опозициските лабуристи Кир Стармер, но во честитката на Твитер ја навести и потребата од избори во земјата.