Неколку станбени објекти во Струга доцна попладнево беа доведени во опасност откако ненамерно или намерно некој предизвикал пожар. Гореле трски кои се наоѓаат многу блиску до станбен комплекс, но со брза интервенција на противпожарните екипи оганот бил ставен под контрола и била отстранета опасноста за проширување. Сепак, службата смета дека пожарот е подметнат од несовесни граѓани.
„Апелираме до населението да се воздржи од предизвикување пожари на отворено, бидејќи во спротивно пожарите би можеле да излезат од контрола и да предизвикаат голема материјална штета“,
велат од противпожарната единица во Струга.
Струшките пожарникари успеале да се справат со оганот, а нивни екипи се уште се на терен и ја следат ситуацијата. Велат дека во последните два дена ова е втор пожар од ваков тип на кој морале да интервенираат. Според нив, и вчерашниот случај на опожарена трска на струшкото крајбрежје бил подметнат од несовени граѓани.