Министерката за одбрана истакнала дека, како земја-членка на НАТО, Северна Македонија ја поддржува политиката на отворени врати на Алијансата и правото на секоја земја да се определи за својата иднина
Нашата земја, како и сите други земји членки на НАТО, дава недвосмислена поддршка за територијалниот интегритет и суверенитет на Украина. Ова било потврдено на денешната средба на министерката за одбрана, Славјанка Петровска, и ополномоштената амбасадорка на Украина, Наталија Задорожњук.
Петровска, како што информираат од нејзиниот кабинет, на средбата истакнала дека, како земја-членка на НАТО, Северна Македонија ја поддржува политиката на отворени врати на Алијансата и правото на секоја земја да се определи за својата иднина.
Амбасадорката Задорожњук, се вели во соопштението, изразила благодарност за недвосмислениот став на поддршка од Северна Македонија за територијалниот интегритет и суверенитет на Украина и поддршката за политиката на отворени врати на НАТО.
Петровска, исто така, го потврдила ставот на Северна Македонија дека најдобро е дипломатско решение на кризата во Украина, како и поддршката за напорите на НАТО за користење на сите дипломатски и политички алатки за намалување на тензиите и деескалација на ситуацијата.