Министерката нагласи и дека „го почитуваме територијалниот интегритет на Украина, како и дека ја поддржуваме политиката на НАТО на отворени врати“
Mинистерката за одбрана, Славјанка Петровска, во своето гостување во емисијата „24 анализа“ на ТВ 24, истакна дека нашата држава како членка на НАТО нема да испраќа војници на територии на туѓи држави кои не се дел од Алијансата, зборувајќи за актуелната ситуација околу Украина и стравот од руска воена агресија.
„Македонија е земја членка на НАТО, но согласно Вашингтонскиот договор не може да испраќа војници на тероторија на туѓи држави кои не се дел од НАТО Алијансата и кои не се дел од колективната одбрана на НАТО. Во ниту еден момент не употребив терминологија дека ќе објавуваме војна на некоја друга држава“,
истакна Петровска.
Министерката нагласи и дека „го почитуваме територијалниот интегритет на Украина, како и дека ја поддржуваме политиката на НАТО на отворени врати за која било земја која сака да стане членка на Алијансата“.