Србија ја поддржа декларацијата на ЕУ за изборите во Белорусија

Евроамбасадорот во Белград објави дека Србија ја поддржува Декларацијата во која се вели дека изборите во Белорусија не биле слободни и фер

За разлика од српскиот член на Претседателството на Босна и Херцеговина, Милорад Додик, кој му честиташе на Александар Лукашенко за реизборот за претседател на Белорусија, Србија ја поддржа Декларацијата на Европската унија, во која се вели дека изборите во оваа земја не биле слободни и фер, пренесува порталот Кликс.

ЕУ подготвува таргетирани санкции против петнаесетина лица во Белорусија

Амбасадорот на ЕУ во Белград, Сем Фабрици на својот профил на Твитер објави дека Србија ја поддржува Декларацијата.

„Ја поздравувам одлуката на Србија да ја поддржи Декларацијата на ЕУ за претседателските избори во Белорусија“,

напиша Фабрици на Твитер.

Реизборот на Лукашенко предизвика протести во земјата, каде што демонстрантите негодуваат поради изборeн фалсификат.

Тихановскаја се обрати пред ЕП: Нема да се откажеме од протестите, но подготвени сме да преговараме со Лукашенко