За останатите лични документи, Спасовски го повтори она што го кажа и вчера, дека застој во издавањето нема, туку дека има зголемен број барања. Истовремено, тоа според Спасовски, се совпаѓа со миграцијата на податоците на нов систем, која почнала вчера, а ќе заврши в понеделник
Носителите на дипломатски пасоши ќе треба да се стрпат до први јули, кога ќе се надмине проблемот со недостатигот на обрасци за ваков тип пасоши, рече денеска министерот за внатрешни работи Оливер Спасовски.
Одговарајќи на пратеничко прашање, да ги објасни причините за застојот во издавањето лични документи, Спасовски рече дека не била направена добра проценка при набавката и поради тоа се појавил недостиг, но како што потенцира, само кај обрасците за дипломатски пасоши.
„Но тоа не е проблем што ги засега граѓаните, туку функционерите. Жалам, ама ќе мора да се стрпите“,
ѝ одговори Спасовски на пратеничката Ане Лашкоска.
За останатите лични документи, Спасовски го повтори она што го кажа и вчера, дека застој во издавањето нема, туку дека има зголемен број барања. Истовремено, тоа според Спасовски, се совпаѓа со миграцијата на податоците на нов систем, која почнала вчера, а ќе заврши в понеделник.
Тој во Собранието презентира податоци дека во мај се издадени 31 500 пасоши, 22 552 лични карти и 10 663 возачки дозволи. А како споредба кажа дека само од 14 до 23 јуни пристигнати се 31 500 барања за издавање лични карти.
За регистарските таблички рече дека била распишана јавна набавка, која по сите жалби и забелешки конечно е завршена и дека веќе се пристигнати 14 000 таблички, в понеделник ќе стигнат уште 30 000, а потоа уште 30 000.