Според него, „некои ирански претставници се кријат“ и САД не можат да најдат никого со кого би можеле да постигнат договор
Фокс њуз објави дека Трамп изразил подготвеност за можна средба со иранскиот претседател Масуд Пезешкијан за време на Генералното собрание на ОН во Њујорк
Американскиот претседател Доналд Трамп разгледува можност за интензивирање на воените напади врз Иран, откако во текот на викендот порано од планираното го напушти претседателското одморалиште „Кемп Дејвид“, објави Фокс њуз.
Трамп за телевизијата изјави дека „некои ирански претставници се кријат“ и дека САД не можат да најдат никого со кого би можеле да постигнат договор.
„Јас сум во фаза на одлука“,
рече Трамп додавајќи дека „многу големи работи“ ќе се случат во војната меѓу САД и Иран.
Веднаш потоа упати прашање во насока на можниот развој на конфликтот со Иран.
„Дали и кога треба да ја уништи целата нација? Подобро да се однесува правилно“.
додаде тој.
Трамп во саботата навечер се врати во Белата куќа, откако порано од планираното го напушти „Кемп Дејвид“.
Неговото враќање во Вашингтон се случи во време кога администрацијата ги разгледува следните чекори во врска со војната со Иран, пред планираното патување на Трамп во Њујорк следната недела, каде што треба да присуствува на Генералното собрание на Обединетите нации.
Трамп е отворен за средба со Пезешкијан
Трамп претходно изјави дека е отворен за средба со иранскиот претседател Масуд Пезешкијан во Њујорк.
Фокс њуз објави дека Трамп изразил подготвеност за можна средба со него за време на Генералното собрание на ОН.
Американскиот секретар за одбрана Пит Хегсет исто така најави засилување на американските воени активности.
„Централната команда ќе има полни раце работа, бидејќи претседателот Трамп рече дека ќе го погодиме силно Иран и ќе го сториме тоа“,
напиша Хегсет на Икс.
Иран соопшти дека преку Катар до САД ги доставил условите за завршување на војната и дека го очекува одговорот од американскиот претседател.
Катар и Пакистан во моментов работат на повторно воспоставување преговори меѓу двете страни откако нивниот меморандум за разбирање истече минатиот месец.