Станува збор за прв ваков избор на шеф на Обвинителството за борба против организираниот криминал и корупција, во согласност со член 66 од новиот Закон за јавни обвинители основен јавен обвинител на ОЈО ГОКК се избира од страна на Советот на јавни обвинители по спроведено гласање од страна на сите јавни обвинители во С Македонија
На денешната седница Советот на јавни обвинители треба да гласа и за избор на четворица јавни обвинители во ОЈО ГОКК, по огласот што беше во април оваа година.
Советот на јавните обвинители денеска ќе ја одржи 67. седница на која, како што е најавено, ќе треба да гласа за избор на јавни обвинители во Основното јавно обвинителство за гонење организиран криминал и корупција (ОЈО ГОКК).
На седницата треба да се гласа за избор на четворица јавни обвинители во ОЈО ГОКК, по огласот што беше објавен во април оваа година.
Меѓу другото, на дневен ред на 67. седница на Советот на јавни обвинители, ќе биде и донесување одлука за формирање Комисија за спроведување на гласањето за избор на основен јавен обвинител на ОЈО ГОКК
Станува збор за прв ваков избор на шеф на Обвинителството за борба против организираниот криминал и корупција, во согласност со член 66 новиот Закон за јавни обвинители, основен јавен обвинител на ОЈО ГОКК се избира од страна на Советот на јавни обвинители по спроведено гласање од страна на сите јавни обвинители во Република Северна Македонија.
На огласот за избор се пријавени петмина кандидати, а гласањето ќе биде на 7 ноември.
Советот на ЈО во рок од седум дена по гласањето треба да одржи седница на која ќе донесе одлука за именување на јавниот обвинител што добил најмногу гласови од листата на пријавени кандидати.
Мандатот на суспендираната шефица на ОЈО ГОКК, Вилма Русковска, истекува на 14 ноември, а за нејзина времена замена на 29 август беше назначен обвинителот Трајче Пеливанов.
Основен јавен обвинител на Основното јавно обвинителство за гонење организиран криминал и корупција се избира за време од четири години, од редот на избраните јавни обвинители со право на повторен избор.
Петте пријави што се пристигнати на огласот за избор на шеф на ОЈО ГОКК се од досегашната шефица Вилма Русковска, нејзината колешка од ОЈО ГОКК, Енгелуши Кадриу Леши, скопскиот обвинител Ерман Незири, како и двајца обвинители од Гостивар, Ислам Абази, и Деса Пауновска.
Иако оценувањата изминатиот период се одвиваа бавно, од Советот очекуваат дека за една недела ќе ги добијат оценките за пријавените и ќе може да одржат седница на која ќе ја утврдат официјалната кандидатска листа за иден прв човек на Обвинителството за гонење организиран криминал и корупција.
Изборите треба да се одржат на 7 ноември, а гласањето тој ден се очекува да се одвива во просториите на државното и четирите виши обвинителства во земјава (Битола, Гостивар, Скопје и Штип).
По денот на гласање, Советот има рок од седум дена за да го именува кандидатот кој освоил најмногу гласови за нов шеф на ОЈО ГОКК.
Доколку сè оди според планот, нема да се создаде вакуум-период со оглед дека мандатот на Русковска истекува на 14 ноември.
Русковска, која бара нов мандат, времено е суспендирана од позицијата врз основа на одлуката што ја донесе републичкиот обвинител Љубомир Јовески кон средината на август. Нејзината суспензија следуваше откако против неа беше поведена дисциплинска постапка и беше поднесена кривична пријава во врска со извршениот претрес во Управата за финансиска полиција (УФП)на 18 јули. Русковска за суспензијата поднесе и жалба, но Советот на јавни обвинители ја одби како неоснована односно ја потврди суспензијата. Поранешниот директор на УФП поднесе и кривична пријава за овој случај, а Русковска минатата недела беше да даде исказ. Според нејзината изјава, тој случај веќе е во истрага и таа се води како осомничена.
Истрага се води во ОЈО Скопје од каде, пак, доаѓа еден од останатите петмина пријавени за нејзин наследник, Ерман Незири. Тој е актуелен заменик на шефот на скопското обвинителство, Гаврил Бубевски.
Обвинителката Кадриу-Леши, пак, подолг период е дел од тимот во Обвинителството за гонење организиран криминал и корупција. Советот на јавни обвинители во март годинава, неа и уште четири нејзини колеги ги реизбра за нов мандат во ова обвинителство.
Абази, пак, доаѓа од Вишото обвинителство во Гостивар, на кое беше избран за шеф во 2018 година, кога Русковска стана шефица на ОЈО ГОКК. Оттаму доаѓа и Деса Пауновска, која претходно беше и членка на Советот на јавни обвинители.