Советот на Град Скопје ја усвои листата на имиња на улиците

„Мексичка“, „Ленинова“, „Железничка“… се враќаат во нашето Скопје, напиша доцна синоќа градоначалникот Шилегов на Фејсбук

Советот на Скопје вчера ја усвои листата на регистарот на имињата на улиците во главниот град, објави доцна синоќа на Фејсбук градоначалникот Петре Шилегов.

„Заврши седницата на Советот на Град Скопје. Усвоена листата на регистарот на имиња на улиците во Скопје. ‘Мексичка’, ‘Ленинова’, ‘Железничка’… се враќаат во нашето Скопје“,

напиша Шилегов.

Како што и претходно најавија градските власти, неколку улици во Скопје ќе добијат нови имиња, односно ќе ги вратат старите.

„Аминта Трети“ пак е „Ленинова“… дел од скопските улици повторно со старите имиња

Шилегов неодамна изјави дека процесот е започнат уште во 2019 година и оти биле вклучени размислувањата на граѓаните, за разлика од порано кога насилно беа преименувани улици и беше кршена волјата на скопјани.

Улицата на Шилегов повторно ќе се вика „Мексичка“

На промена на имињата се противат советниците од опозициската ВМРО-ДПМНЕ, кои пред два дена го блокираа булеварот „Борис Трајковски“ со барање да се повлечат предлозите со кои, како што изјавија, се гази по имињата видни личности од македонската историја.

Скопските советници на ВМРО-ДПМНЕ бараат да се симнат од дневен ред старо-новите имиња на улици

Целата листа може да се погледне тука.