Утре, според Управата за хидрометеоролошки работи, на повеќе места ќе биде нестабилно со пороен дожд, грмежи и силен ветер. Локално процесите ќе бидат поинтензивни во форма на невреме со пообилен пороен дожд, електрични празнења, силен ветер и услови за појава на град. Од петок се најавува преодно стабилизирање на времето
Денеска во земјава нè очекува сончево и топло време со мала до умерена облачност и слаб до умерен ветер кој ќе дува од северен правец. Ваквата состојба ќе преовладува во најголемиот дел од денот, но, како што информираат од Управата за хидрометеоролошки работи (УХРМ) во попладневните часови ќе има услови за изолирана појава на нестабилност со краткотраен пороен дожд, грмежи и засилен ветер.
Наместа, според синоптичарите, нестабилноста процесите ќе бидат поинтензивни и изразени во форма на невреме со пообилен пороен дожд, електрични празнења, силен ветер со брзина и над 60 километри на час, а ќе има услови и за појава на град.
Утринската температура ќе се движи во интервал од девет до 17 Целзиусови степени, а во текот на денот се очекуваат релативно високи температури за овој период од годината, кои ќе се движат од 23 степени во Маврово, до 34 степени во Скопје и Гевгелија.
Во Скопје се очекува слично време, сончево и топло со мала до умерена локална облачност. Во попладневите часови ќе има услови за развој на локална нестабилност во форма на невреме. Како и во повеќето делови на земјата и во главниот град ќе дува слаб до умерен ветер од северн правец.
Утре, според Управата за хидрометеоролошки работи, на повеќе места ќе биде нестабилно со пороен дожд, грмежи и силен ветер. Локално процесите ќе бидат поинтензивни во форма на невреме со пообилен пороен дожд, електрични празнења, силен ветер и услови за појава на град.
Од петок се најавува преодно стабилизирање на времето.